美滿婚姻【我的愛的語言】

小編及插圖：希望之錨
上文：https://www.instagram.com/p/CcatCGlJc-h/?img_index=1

「Simon 和 Sandy 已婚咗一段時間，Simon為了比Sandy 生活更好、可以買更昂貴嘅禮物比 Sandy 而搏命OT。Sandy 卻因為咁成日呻丈夫唔陪佢。Simon 聽到之後就喺週末盡量抽時間陪伴老婆。但 Sandy 認為老公喺相處時，成日淨係掛住睇電話，而冇專心聆聽佢講嘢，而覺得老公唔夠愛佢。」

唔知你哋有冇遇過呢個情況呢？會唔會覺得喺拍拖/去街嘅時候另一半淨係掛住睇電話而覺得對方不重視和忽略你呢？你又會有咩反應啊？

上文提到五種愛的語言，包括有：
💬肯定的言語 （Words of Affirmation）
📦服務的行動（Acts of Service)
🎁真心的禮物（Receiving Gifts）
🕐精心的時刻 （Quality Time）
👋🏻身體接觸（Physical Touch）

很多時衝突嘅發生係因為需要未被滿足。專家提出每人對於表達愛都有比較習慣嘅方式同喜好㗎。然而，如果另一半表達愛的方式同你喜愛的不對應嘅話會較容易令對方感受唔到愛。而上述嘅情況，Sandy 需要精心的時刻 （Quality Time）嚟感受愛，雖然 Simon 有付出時間，但喺過程中用較多時間看電話，而唔係專心聆聽，令 Sandy 感覺唔被重視、唔被愛，Simon未能滿足到她嘅需要。另一方面，Simon 就認為 Sandy 需要禮物同過更好嘅生活嚟感受愛，他們嘅付出同需要係唔對應。咁 Simon 可以點做先令 Sandy 明白他嘅愛呢？Simon 可以問問 Sandy 所認為嘅陪伴係點，需要點樣先會感到被愛呢？然後，二人按對方嘅喜好同需要表達關愛。

小編建議：
根據專家觀察，通常自己習慣表達嘅方式，就係自己最喜歡被愛嘅方式啦！透過檢視自己同配偶嘅「愛之語」，就可以更了解彼此嘅需求，又增進到雙方相處嘅甜蜜度。如果都係認為唔太了解自己嘅話，可透過以下連結填寫愛之語測驗，搵出你同另一半中意嘅愛的語言啦 💕

愛之語測驗隨送門： http://love.cssa.org.tw

偷偷哋話你哋知小編最中意嘅愛之語就係精心的時刻 （Quality Time）啦，咁你哋呢？

插圖：https://www.instagram.com/p/Ccrzc1Drz8w/?img_index=1

💡#心靈連線 #agapasfamily #心靈輔導 #情緒輔導 #婚戀諮詢 #人生規劃 #職場 #家庭 #精神治療 #曖昧 #戀愛 #失戀 #關係 #衝突 #溝通 #聆聽 #婚姻 #老公 #老婆 #BF #GF #拍拖 #親情 #伴侶 #諮詢 #愛的語言 #愛之語